திருப்பூர் மாவட்டம், ஊத்துக்குளி செல்லும் சாலையில் 8 கிலோமீட்டரில் இருக்கிறது சர்க்கார் பெரியபாளையம். இங்கு 2,500 ஆண்டுகள் பழமையான சுக்ரீஸ்வரர் ஆலயம் இருக்கிறது. இந்த ஆலயத்தில் இரண்டு நந்திகள் ஒன்றன்பின் ஒன்றாக இருக்கின்றன. முதலில் உள்ள நந்திக்கு, கொம்பு, காது இல்லை.
ஒருமுறை விவசாயி ஒருவரின் நிலத்தில் மாடு ஒன்று மேய்ந்தது. ஆத்திரமடைந்த விவசாயி, அந்த மாட்டின் காதையும், கொம்பையும் வெட்டியுள்ளார். மறுநாள் கோவிலுக்குச் சென்ற அவருக்கு அதிர்ச்சி காத்திருந்தது. அங்கிருந்த கற்சிலையான நந்தியின் கொம்பும், காதும் வெட்டப்பட்டு ரத்தம் வழிந்துள்ளது. வந்தது தெய்வ_நந்தி என்பதை அறியாமல் செய்த தவறுக்கு விவசாயி வருந்தினார். அதற்கு பிராயச்சித்தமாக, புதிய நந்தி சிலை ஒன்றை, பழைய நந்தி சிலையின் பின்பாக பிரதிஷ்டை செய்தார் என்று இந்த இரட்டை நந்திகளுக்கு விளக்கம் அளிக்கப்படுகிறது.
